Төлеби ауданы, Ленгір қаласында 1 маусым — Халықаралық балаларды қорғау күніне орай мерекелік жиын өтті. Іс-шараға аудан әкімі Төлеген Телғараев қатысып, балалар мен ата-аналарды мерекемен құттықтады.

«Бұл мереке 1950 жылдан бастап – Халықаралық балаларды қорғау күні болып тойланып келеді. Бала – біздің бауыр етіміз, бақытты болашағымыз. Ата-аналар үшін баласының шат күлкісі мен баянды болашағынан қымбат дүние жоқ. Тұңғыш Президент Н.Назарбаевтың «Еліміздің ертеңі бүгінгі жас ұрпақтың қолында» — деген сөзі бүгінде және алдағы уақытта да бізге зор міндет жүктейді. Жастардың білімді, білікті, өнерлі болып жетілуі үшін үлкен мүмкіндіктер жасалуда. Барлықтарыңызды бүгінгі мерекелеріңізбен шын жүректен құттықтаймын. Дендеріңізге саулық, балалық балғын шақтарыңыздың қызықты болуын тілеймін. Ата-аналарыңыздың үмітін ақтап, үлкен азамат болып өсе беріңіздер!» — деді Төлеген Тұртайұлы.

Жиында аудан басшысы түрлі жарыстардың жеңімпаздары мен жүлдегерлері атанған оқушыларды марапаттады. Балалар мерекесі аудан мектептерінің оқушылары мен мектепке дейінгі білім беру мекемелерінің бүлдіршіндері әзірлеген мерекелік концертке ұласты.

Айта кетейік, бүгінде жастардың білімді, білікті, өнерлі болып жетілуіне ауданымызда 67 білім беру мекемелері, аудандық оқушылар үйі, аудандық және қалалық саз мектептері, көркем сурет мектебі, жас туристтер станциясы, 54 балабақша мен 2 кешкі мектеп үлкен мүмкіндіктер жасауда. Биылғы жылы оқушылардың жазғы демалысын тиімді ұйымдастыру мақсатында «Бәйшешек» лагерінде карантин талаптарын сақтай отырып 1200 бала, «Біркөлік шатқалы» лагерінде 900 бала, «Алатау жасыны» туристік-спорттық, шатырлы лагерлерінде 790 бала, жалпы 3 мыңға тарта бала демалатын болады.

от admin

Добавить комментарий

Ваш адрес email не будет опубликован. Обязательные поля помечены *