Осыған орай, «Nur Otan» партиясы Төлеби аудандық филиалы жанынан құрылған «Парасат» пікір-талас клубының құрамына кіруге өтініштер Леңгір қаласы, Д.Қонаев көшесі №7б мекен-жайда орналасқан Төлеби аудандық «Nur Otan» партиясы ғимаратында қабылданатынын хабарлаймыз.

Жауапты маман: А.Елтай
Байланыс телефоны: 8747-545-64-97, 6-20-38.

«Nur Otan» партиясы Төлеби аудандық филиалы жанындағы
«Парасат» пікірталас клубының
ЕРЕЖЕСІ

Осы Ереже «Nur Otan» партиясы Төлеби аудандық филиалы жанындағы «Парасат» пікірталас клубының (бұдан әрі — клуб) мәртебесі мен өкілеттіктерін айқындайды.

1. Жалпы ережелер

1. Клуб «Nur Otan» партиясы Төлеби аудандық филиалы (бұдан әрі — партия филиалы) жанындағы консультативтік-кеңес беру органы болып табылады және өз қызметін Қазақстан Республикасының Конституциясына, Қазақстан Республикасының заңдарына және өзге де нормативтік-құқықтық актілеріне, партияның Жарғысына және бағдарламалық құжаттарына, сондай-ақ осы Ережеге сәйкес жүзеге асырады;
2. Пікірталас клубы әр саладағы, әртүрлі ұстанымдағы азаматтарды кәмелет жасына толған ауыл округтеріндегі ел ағалары, қоғам белсенділері, үкіметтік емес ұйым өкілдері мен саяси партиялар, депутаттар, жастар, ұлт жанашырлары, БАҚ өкілдері мен белсенді блогерлерді біріктіреді және аудандағы күрделі мәселелерді халықпен бірлесе отырып талқылау, оларды шешудің жаңа бағытын қалыптастыру мақсатында құрылады;
3. Пікірталас клубының шешімдері ұсыныстық сипатта болады.
2. Клубтың мақсаты мен міндеттері

2.1 Клубтың мақсаты: Халықтың, саяси партиялардың, үкіметтік емес ұйымдардың және мемлекеттік органдардың өкілдері арасында сындарлы диалог қамтамасыз ету;
2.2 Клубтың негізгі міндеттері:
1) Аудандағы қордаланған мәселелерді халықпен бірлесе отырып талқылау және оларды шешу жолдарын қарастыру;
2) Еліміздің, облыстың және ауданның қоғамдық-саяси, экономикалық, әлеуметтік, мәдени және шығармашылық өміріне байланысты мәселелеріне қатысты пікір алмасу;
3) Жұртшылықтың және азаматтық қоғамның пікірін ескере отырып маңызды стратегиялық проблемаларды қарау;
4) Қоғамдағы көптеген аса маңызды мәселелерге қатысты мемлекеттік билік органдары мен азаматтық қоғам институттарының өкілдеріне және азаматтарға қатысты ұсыныстар қабылдау;
5) Жұртшылықтың, саяси партиялардың, үкіметтік емес сектордың және мемлекеттік органдардың өкілдері арасында сындарлы диалогты қамтамасыз ету.

3. Пікірталас клубының құрамы

3.1 Клуб мүшелігінеҚазақстан Республикасының азаматтары болып табылатын ауыл округтеріндегі ел ағалары, қоғам белсенділері, үкіметтік емес ұйым өкілдері мен саяси партиялар, депутаттар, жастар, ұлт жанашырлары, БАҚ өкілдері мен аудан тұрғындар ене алады;
3.2. Клуб мүшелерінің құқығы мен міндеттері:
1) Клуб жұмыстарынан хабардар болуға;
2) Атқарылатын іс шаралараға қатысуға;
3) Клуб қызметіне қатысты жиналыстарға қатысу, ұсыныстар енгізу, сын айту, талқылау, өз ойын еркін айту;
4) Жалпы қабылданған моральдық-этикалық нормаларды ұстануға;
5) Ереже талаптарын орындау;
6) Клуб ұсынысы мен шешімдерін орындау;
7) Ереже талаптарын бұзған клуб мүшесі клубтан шығарылуы мүмкін;
3.3. Клубқа мүше етіп қабылдау және шығару тәртібі:
1) Клубқа әлеуметтік жағдайына байланысты емес, ұлты мен дініне тәуелсіз, Ережені мойындайтын және клуб қызметіне араласатын Қазақстан Республикасының азаматтары мүше болып кіре алады.
2) Клуб құрамына қабылдау клуб жиналысында жүзеге асады.
3) Клуб мүшелігінен шығу ерікті түрде.

3.2 Клуб құрамы Төраға, оның мүшелері мен хатшысынан құралады.
4. Клубқа басшылық жасау тәртібі
4.1. Клубтың бірінші отырысында Төраға және хатшы сайланады;
4.2. Клуб Төрағасы клуб отырыстарында төрағалық етеді, отырыстардың қарауына енгізілетін мәселелерді дайындау бойынша жалпы басшылықты жүзеге асырады және отырыстарды өткізу тәртібін айқындайды;
Төраға болмаған жағдайда төрағаның ұсынысымен клуб мүшелерінің бірі оның орнын алмастырады;
4.2 Клуб жұмысының негізгі бағыттарын клуб мүшелерімен келісе отырып айқындайды;
4.3 Партияның аумақтық филиалы төрағасының немесе бірінші орынбасарларының келісімі бойынша клубтың жұмыс жоспарын бекітеді;
4.4 Клуб отырыстарындағы төрағалық қызмет ауыспалы тәртіппен жүзеге асырылады. Келесі отырыстың төрағасын алдыңғы отырыста көпшілік дауыспен бекітеді.

5. Клубтың жұмысынұйымдастыру
5.1. Клубтың жұмысшы органы «Nur Otan» партиясы Төлеби аудандық филиалы болып табылады;
5.2. Клуб отырыстары қажеттілігіне қарай, бірақ кемінде тоқсанына бір рет өткізіледі;
5.3. Клуб отырысы клуб мүшелерінің жартысынан көбі қатысқан жағдайда заңды деп саналады;
5.4. Клуб шешімдері ашық дауыс беру арқылы қабылданады және отырысқа қатысып отырған мүшелерінің басым бөлігі дауыс берген жағдайда, қабылданған болып саналады;
5.5. Клуботырысында қаралған мәселелер бойынша хаттама түзіледі, ол ұсыныс ретінде ауданға ұсынылады;
5.6. Кезекті отырыстың күн тәртібі бұдан алдыңғы отырыста анықталады, сондай-ақ ағымдағы мәселелер мен болып жатқан оқиғалардың өзектілігіне орай күн тәртібіне өзгерістер енгізілуі мүмкін;
5.7. Клуб отырысында қорытынды құжаты ретінде мемлекеттік органдары мен азаматтық қоғам институттарының өкілдеріне және азаматтарға қатысты ұсыныстар қабылданады.
5.8. Клуб отырысында талқыланатын тақырыптың өзектілігіне қатысты қажет болған жағдайда мемлекеттік органдары мен азаматтық қоғам институттарының өкілдерін және жергілікті азаматтардың қатысуына жол беріледі.
5.9. Клуб отырысында қажет жағдайда сараптамалық ұсыныс пікірлерін тыңдау үшін тиісті сала мамандарын тартылуы мүмкін.

6. Клубтың хатшылығы

6.1 Клубтың жұмыс жоспары жобасының әзірленуін қамтамасыз етеді, оның отырыстарының күн тәртібі жобасын жасайды;
6.2. Кезекті дискуссиялық отырысқа қажетті құжаттарды дайындап, клуб мүшелерін мәжіліс өткізілетін мерзіммен хабардар етеді, сондай-ақ басқа да ұйымдастыру жұмыстарымен шұғылданады.
6.3. Клуб отырыстары материалдарының, сондай-ақ хаттамалық ұсыныстар жобаларының дайындалуын ұйымдастырады;
6.4. Клуб мүшелеріне клубтың кезекті отырысының өтетін орны, уақыты және күн тәртібі туралы хабарлайды, оларды қажетті материалдармен уақтылы қамтамасыз етеді;
6.5. Жекелеген жұмыс түрлерін жүзеге асыру үшін сарапшыларды, және сала мамандарын белгіленген тәртіпте тартады;
6.6. Төрағаның тапсырмалары орындалуын сараптайды, бұған қосымша өзге өкілеттіктерді жүзеге асырады.

от admin

236 комментариев к «2022 жылдың 15 ақпан күні «Nur Otan» партиясы Төлеби аудандық филиалы Саяси кеңесі Бюросы мәжілісінің №001PQ қаулысымен «Парасат» пікір-талас клубы құрылды»

Добавить комментарий

Ваш адрес email не будет опубликован. Обязательные поля помечены *