Құрметті мұсылман бауырлар, қымбатты Төлеби жұрты!

отadmin

Мар 31, 2022

Баршаңызға мүбарак Рамазан айының келуімен шын жүректен құттықтаймын! Биыл – сүйікті Отанымыз үшін ерекше жыл. Жаңа бастама, жаңа белес,Жаңа Қазақстан! Дәл осы айтулы кезеңде егемен еліміз қазақтың байтақ даласының шежіре-тарихы Исламмен біте қайнасып жатқандығын дүйім жұртқа паш етуде. Осынау кезеңде елімізге Алла Тағаладан зор абырой нәсіп етуін тілейік.
Рамазан – он екі айдың сұлтаны, берекелі де кешірімі мол ай. Бұл айдың басты ерекшелігі, Алла Тағала Исламның бес парызының бірі болған оразаны осы айда ұстауды парыз етті. Екіншіден, адамзат баласын тура жолға бағыттайтын, ақиқат пен жалғанды, сауап пен күнә арасындағы парықты айқындап беретін қасиетті Құран осы айда түсірілді. Сондықтан бұл айда оқылған Құран аяттарының сауабы, атқарған ізгі іс-амалдардың сауабы өзге айларға қарағанда еселеп артады. Құдсихадисте Алла Тағала былай дейді: «Ораза тек Мен үшін. Оның сыйын (сауабын) Өзім ғана беремін. Өйткеніпенде Мен үшін шақуат қалауы мен ішіп-жеуден бас тартты». Үшіншіден, мыңайдан да қайырлы Қадір түнінің осы айда орыналуы да – Жаратушының пендесіне тартуы.

Жалпы биыл қасиетті Рамазан айы сәуір айының 2 – ші жұлдызында бастау алса, қасиетті Қадір түні сәуір айының 27-нен 28-не қараған түні келеді,ал Ораза айт мейрамын мамыр айының 2- жұлдызында атап өтеміз. ҚМДБ биылғы Пітір садақасын жан басына 500 теңге деп белгіледі.

Құрметті Төлебилік мұсылман қауым! Ұстаған Оразаларыңыз қабыл болсын! Алла Тағала баршамызды шынайы ықыласпен Ораза ұстаушылар санатына қосып, жәннаттың Раййан есігінен кіруімізді нәсіп еткей!
Қасиетті Рамазан құтты болсын!

Түркістан облысы Төлеби ауданының бас имамы
Саурбаев Үсен Мырзаханұлы