Аудандық Қоғамдық кеңес мүшелерінің еңбек ардагерлеріне, аудандық мәслихат депутаттарына, барлық сала қызметкерлеріне, зиялы қауым өкілдеріне, жастарға, жалпы барлық аудан тұрғындарына

ҮНДЕУІ

Құрметті Төлебиліктер!
Қазақстан Республикасының Президенті Қасым-Жомарт Тоқаев өзінің Қазақстан халқына арнаған «Жаңа Қазақстан: жаңару мен жаңғыру жолы» жолдауында: «…Мен азаматтарымыздың ертең емес, бүгін бақытты өмір сүргенін қалаймын.
Ең бастысы – еліміздің егемендігі!
Шын мәнінде, біз үшін Қазақстанның Тәуелсіздігі бәрінен қымбат. Осы тұрақсыз, құбылмалы әлемде Қазақстанымыз бізден басқа ешкімге керек емес. Сондықтан маған елімнің амандығы мен жерімнің тұтастығынан асқан ешбір құндылық жоқ.Мені ең алдымен халқымның болашағы қандай болатыны толғандырады. Қызметіме түрлі адамдардың беретін бағасынан гөрі, мемлекетімізді қорғап қалу – мен үшін аса маңызды міндет.
Осы жолда жауапкершіліктің бәрін мойныма алуға дайынмын! Бабалар аманатына адал болып, оны ұрпаққа табыстау – мен үшін киелі парыз.Жаңа Қазақстан жаңару мен жаңғыру жолы, бүгінгі буынның болашақ ұрпаққа аманаты.Ендеше Жаңа Қазақстанды бірге өркендетейік ағайын!» — деп атап өткені баршаңызға мәлім.
Сондай – ақ мемлекет басшысы жақында барлық отандастарымызға Үндеу жариялап, Ата заңымыз баптарының үштен бірі өзгеретінің, Конституциямыздың мүлдем жаңа сипатқа ие болатындығын, сол себепті республикалық референдум өткізу туралы бастама көтергенін, мұндай ауқымды өзгеріс бүкіл халықтың шешімімен жүзеге асырылуы тиіс екендігін атап өтті.
Өздеріңіз білесіздер, осыдан 27 жыл бұрын референдум өткізіліп, қазіргі Ата заңымыз қабылданғаны аян. Одан кейінгі барлық конституциялық реформа Парламантте мақұлданып отырғанын білесіздер. Мемлекет басшысы еліміз өз егемендігін алған соң алғаш рет қабылданған Ата заңымызды еске сала отырып өз Үндеуінде: «…Бірақ дамудың жаңа кезеңінде, Жаңа Қазақстанды құру жолында еліміз үшін осындай аса маңызды шешімдерді бүкіл халық болып қабылдауымыз керек. Бұған кәміл сенемін. Сондықтан мен Конституция өзгерістер мен толықтырулар енгізу үшін 5 маусымда республикалық референдум өткізу туралы Жарлыққа қол қойдым.Конституциялық түзетулер жобасы бойынша азаматтардың жалпы дауыс беруі біздің демократиялық қағидаттары берік ұстанымымызді білдіреді. Қазіргі реформаның ерекшілігі – Президенттің өкілеттігін күшейту емес, мемлекетемізді жетілдіру, жаңғырту және нығайту. Мен баршаңызды елдің ертеңі, ұрпақтың келешегі үшін референдумға қатысуға шақырамын!»- деп мәлімдедіПрезидентіміз Қасым – Жомарт Тоқаев.
Құрметті жерлестер!
Қазақстан Республикасының Президенті Қасым-Жомарт Тоқаевтың отандастарыңызға арнаған Үндеуі де «Қазақстан Республикасының Коституциясына өзгерістер мен толықтырулар енгізу туралы» Қазақстан Республикасының Заңы жобасы еліміздегі бұқаралық – ақпарат құралдарына жарық көріп, осыған орай бүгіндері бүкіл қазақстандықтар өздерінің ойлары мен пікірлерін ашық білдіруде. Мұның өзі әрбір қазақстандықтың еліміздің бүгінгі мен болашағына бейжай қарай алмайтындығын білдіреді.
Қазақ халқымен қатар, бірнеше ұлттың өкілдері тұратын ынтымағы мен бірлігі, татулығы жарасқан біздің Төлеби ауданы тұрғындары да мемлекет басшысының еліміз халқына арнаған Үндеуін қолдап, Ата Заңымыздың баптарына енетін өзгерістер мен толықтырулар туралы Заң жобасымен жан-жақты танысып шыққанына нық сенімдіміз.
Естеріңізге сала кетейік, мәселен жаңа Заң жобасында 43 – бабының 3 және 4 тармақтарына мынадай толықтырулар енгізілген.
3. «Қазақстан Республикасының Президенті өз өкілеттерін жүзеге асыру кезеңінде саяси партияда болмауы тиіс. Қазақстан Республикасының Президентінің жақын туыстары мемлекеттік саяси қызметшілердің квазимемлекеттік сектор субьектілері басшыларының қызметтерін атқаруға хақысы жоқ» — деп жазылған.
Еліміздің Ата Заңына енгізілетін өзгерістер мен толықтырулар туралы Заң жобасы бүгіндері ел арасында қызу талқылану үстінде. Көпшілік қалыс қалмай өз ойлары мен пікірлерін, ұсыныстарын білдіруде. Отандастарымыз баспасөз беттерінде, хабарлар мен телебағдарламаларда өз ойларын бүгіп қалмайашық айтуда. Сол көпшіліктің арасында халқымыздың бүгінін, ұрпақтарымыздың болашағын ойлаған біздің жерлестеріміз – өздеріңіз де барсыздар.
Қадірлі жерлестер!
Біз, аудандық Қоғамдық кеңестің төралқа мүшелері Қазақстан Республикасы Президенті Қ.Тоқаевтың «2022 жылғы 5 маусымда республикалық референдум өткізу туралы» Жарлығына орай өтетін референдумға біріміз қалмай бәріміз қатысып, ел ертеңі үшін біркісідей бірауыздан қолдап дауыс беруге шақырамыз.
Елдің бүгіні де, болашағы да басқа ешкімнің емес өзіміздің қолымызда. Осыны ешқашан ұмытпайық, құрметті халайық! Бәріміз біргеміз!
Үндеу аудандық Қоғамдық кеңес төралқа мүшелерінің 2022 жылғы 16 мамырдағы жалпы отырысында бірауыздан қабылданды.

Қоғамдық кеңес төралқа мүшелері:
1. Оралбеков Бұхар
2. Әбдіхалықов Әбдісаттар
3. Ахтаев Сейтхан
4. Тойлыбаев Бекайдар
5. Майлыбаев Ерменбай
6. Кемелов Бахытжан
7. Қазахбаев Нұрбек

от admin

Добавить комментарий

Ваш адрес email не будет опубликован. Обязательные поля помечены *