Құрметті Төлеби ауданының тұрғындары!

🇰🇿 Сіздерді 4 маусым – Қазақстан Республикасының Мемлекеттік рәміздері күнімен құттықтаймын!
✅ Мемлекеттік Ту, Елтаңба және Әнұран – халқымыздың мақтанышы, Тәуелсіздігіміздің басты нышандары. Бұл – ел тарихын, ұлттық болмысымызды және жарқын болашаққа деген сенімімізді айшықтайтын қастерлі құндылықтар.
✅ Төлеби өңірінде мемлекеттік рәміздерді құрметтеу, отансүйгіштік рухты дәріптеу және ұлттық құндылықтарды насихаттау игі дәстүрге айналған. Елін сүйетін, туған жерінің дамуына үлес қосатын жастарымыздың қатары көбейіп келеді.
✅ Мемлекеттік рәміздеріміздің мәртебесі биік болып, Көк Туымыз әрдайым бейбіт аспан астында желбіресін! Еліміз аман, жұртымыз тыныш, берекеміз баянды болсын!
Мемлекеттік рәміздер күні құтты болсын!
Ізгі ниетпен
аудан әкімі Еркеғали Әлімқұлов