КӘСІПКЕРЛІКТІ ҚОЛДАУ – ӨҢІР ДАМУЫНЫҢ МАҢЫЗДЫ БАҒЫТЫ

🇰🇿 Төлеби ауданының әкімі Еркеғали Әлімқұлов өңірдегі шағын және орта бизнесті қолдау мақсатында «Fari Cakes» кондитерлік өнімдер дайындайтын кәсіпорынның жұмысымен танысты.
✅ Кәсіпорын басшысы Құлманова Фариза Сайлаубайқызы аудан әкіміне өндіріс барысын таныстырып, цехтың жұмысы, өнім түрлері және алдағы жоспарлары жөнінде ақпарат берді. Бүгінде цехта 5 адам тұрақты жұмыспен қамтылған.
✅ «Fari Cakes» кәсіпорнында кондитерлік өнімдердің сан алуан түрі дайындалады. Барлық өнімдер табиғи әрі сапалы шикізаттан әзірленіп, тұтынушыларға ұсынылады.
✅ Сонымен қатар, кәсіпорын басшысы Фариза Сайлаубайқызы әлеуметтік жауапкершілікті назардан тыс қалдырмай, мұқтаж отбасыларына тұрақты түрде қолдау көрсетіп келеді.
✅ Аудан әкімі Еркеғали Амантайұлы кәсіпкерлікті қолдау – өңірдің әлеуметтік-экономикалық дамуының негізгі тетіктерінің бірі екенін атап өтіп, кәсіпорын ұжымына алдағы жұмыстарына табыс тілеп, мемлекеттік қолдау шараларын тиімді пайдаланудың маңыздылығына тоқталды.
©️ Төлеби ауданы әкімінің баспасөз қызметі