2023 жылдың «Мектепке жол» республикалық акциясы «Жақсылық жаса!» ұранымен ауданымызда 1 тамыздан басталды.
Қазақстан Республикасының әрбір жүрегі кең азаматы халықтың әлеуметтік осал топтарынан шыққан балаларды аталмыш акция аясында мектепке дайындауға көмек көрсетуде белсенділік танытып, шынайы қамқорлық жасай алады.
Құрметті игі істің басында жүрген, жүрегі жомарт азаматтар мен азаматшалар!
Баланың риясыз күлкісінен артық бақыт бар ма?
Сіздердің жомарттықтарыңыз, моральдық, материалдық қолдауларыңыз әр балаға қуаныш сыйлайтынына сенімдіміз. Ендеше, баршаңыздың аталған акция аясында баланың да, ата-ананың да жүрегіне жылу сыйлап, игі іс жасауларыңызға мүмкіндіктеріңіз бар. Әрқайсыңызды жаны ізгілікті сүйетін, жақсылық жасауға құмар азамат деп білеміз.
Өркениетті елдің азаматтары!
Болашағымыз — жас ұрпақтың мерейін өсіріп, олардың ертеңгі күнге деген сенімін нығайтуда көмектеріңізді аямай, жақсылық жасаудан қалыс қалмаңыздар!

Төлеби аудандық білім бөлімінің ұйымдастыру алқасы:
8701 186 35 85.